XALQARO TERRORIZM XALQARO JINOYAT SIFATIDA

Abstrak

Mazkur maqolada xalqaro terrorizmning huquqiy tabiati, uning xalqaro jinoyat sifatidagi o‘rni hamda xalqaro hamjamiyat tomonidan unga qarshi kurash mexanizmlari tahlil qilinadi. Unda terrorizm tushunchasining shakllanish tarixi, davlatlararo yondashuvlarning farqliligi, shuningdek, yagona universal-huquqiy ta’rifning mavjud emasligi sababli yuzaga kelayotgan amaliy muammolar yoritilgan. O‘quvchiga xalqaro konvensiyalar, BMT Nizomi, Xalqaro jinoiy sudning Rim statuti va boshqa normativ hujjatlar asosida terrorizmga qarshi kurashning xalqaro-huquqiy asoslarining tahlillari taqdim etiladi. Shuningdek, O‘zbekiston Respublikasining mazkur sohadagi yondashuvi va milliy qonunchiligi o‘rganiladi. Tadqiqot natijalariga ko‘ra, terrorizmga qarshi kurash samaradorligini oshirish uchun xalqaro hamkorlikni kuchaytirish, raqamli xavfsizlikni mustahkamlash va yoshlar ongida radikalizmga qarshi immunitet shakllantirish zarurligi ta’kidlanadi.