1920–1950-YILLARDA BUXORO VOHASINING ARXEOLOGIK O'RGANILISHI

Abstract

Mazkur maqolada 1920–1950-yillarda Buxoro vohasida olib borilgan arxeologik tadqiqotlarning asosiy yo‘nalishlari, ilmiy natijalari va tarixshunoslikdagi аҳамияти tahlil qilinadi. Tadqiqotda sovet davrining dastlabki bosqichida faoliyat yuritgan arxeologik ekspeditsiyalar, jumladan, A.Yu. Yakubovskiy, V.A. Shishkin hamda boshqa olimlarning Buxoro vohasi hududida amalga oshirgan izlanishlari ilmiy jihatdan umumlashtiriladi. Xususan, Kampirdevor mudofaa tizimi, Varaxsha, Poykent, Vardonze singari yodgorliklarning o‘rganilish jarayoni, ularning tarixiy-topografik xususiyatlari hamda voha tarixini yoritishdagi o‘rni ochib beriladi. Shuningdek, maqolada mazkur davr tadqiqotlarining metodik xususiyatlari, dala kuzatuvlari va dastlabki qazishma natijalarining ilmiy ahamiyati baholanadi. Tadqiqot natijalari 1920–1950-yillarda Buxoro vohasining arxeologik jihatdan o‘rganilishi keyingi bosqichdagi ilmiy izlanishlar uchun muhim nazariy va manbaviy asos bo‘lib xizmat qilganini ko‘rsatadi.