SHAXSIY MA'LUMOTLARNI HIMOYA QILISHNING BUGUNGI KUNDAGI AHAMIYATI

Аннотация

Mazkur maqolada shaxsiy ma’lumotlarni himoya qilishning zamonaviy sharoitdagi ahamiyati, ushbu sohada yuzaga kelayotgan yangi xavf-xatarlar va ularni bartaraf etishning huquqiy hamda tashkiliy mexanizmlari yoritiladi. Raqamli texnologiyalar tez sur’atlar bilan rivojlanib borayotgan bir davrda fuqarolarning shaxsiy ma’lumotlari katta qiymatga ega bo‘lib, ularning noqonuniy to‘planishi, qayta ishlanishi va tarqalishi ijtimoiy, iqtisodiy hamda huquqiy oqibatlarga olib kelishi mumkinligi tahlil qilinadi. Shuningdek, O‘zbekiston Respublikasida shaxsiy ma’lumotlarni himoya qilish tizimini takomillashtirish, xalqaro standartlarga moslashtirish, ma’lumotlar xavfsizligini ta’minlashda davlat organlari, biznes subyektlari va fuqarolarning o‘zaro mas’uliyati yoritib beriladi. Maqola yakunida zamonaviy kiberxavfsizlik yondashuvlari, ma'lumotlarni himoya qilish bo‘yicha ilg‘or xorijiy tajribalar hamda bu sohadagi amaliy takliflar keltiriladi