ORGANIKALÍQ TÓGINLERDIŃ PAXTANIŃ ÓSIP RAWAJLANIWI HÁM TÚP SANINA TÁSIRI

Abstract

Bul maqalada organikalıq tóginlerdiń paxta ósimliginiń ósip rawajlanıwı hám túp sanına tásiri kompleksli túrde úyrenilgen. Izertlew dawamında paxta ósimliginiń vegetaciya dáwirindegi morfologiyalıq kórsetkishleri, yaǵnıy boyı, ónim shaqaları, ǵumsha, gúl hám górekler sanı basqıshpa-basqısh analizlendi. Alınǵan nátiyjeler organikalıq tóginlerdi qollanıwdıń ósimliklerdiń vegetativ hám generativ rawajlanıwın ádewir jedellestiretuǵının kórsetti. Sonıń menen birge, topıraqtıń fizikalıq-ximiyalıq hám biologiyalıq qásiyetleri jaqsılanıp, onıń ónimdarlıǵı artadı. Izertlew nátiyjelerine kóre, eń joqarı nátiyje 6-variantta baqlandı, bul organikalıq tóginlerdiń optimal dárejede qollanılıwı ónimdarlıqtı arttırıwda zárúrli faktor ekenligin tastıyıqlaydı. Ulıwma alǵanda, organikalıq tóginlerden paydalanıw paxtashılıqta ekologiyalıq qáwipsiz hám turaqlı óndiristi támiyinlewde úlken áhmiyetke iye bolıp tabıladı.