OLIY TA'LIM TALABALARI BILIMINI BAHOLASHDA KAHOOT! PLATFORMASIDAN FOYDALANISHNING PSIXOLOGIK VA PEDAGOGIK SAMARADORLIGI

Abstract

Mazkur maqolada oliy ta’lim tizimi o‘qitish jarayonida Kahoot! platformasidan foydalanishning psixologik va pedagogik samaradorligi tahlil qilinadi. Tadqiqot o‘yinlashtirilgan baholash vositalarining talabalar motivatsiyasi, akademik natijalari, stress va test xavotiri darajasiga ta’sirini o‘rganishga qaratilgan. Tahlil natijalari Kahoo!t platformasi talabalarning dars jarayoniga jalb etilish darajasini oshirishi, o‘quv motivatsiyasini kuchaytirishi va baholash samaradorligini ta’minlashi mumkinligini ko‘rsatadi. Shuningdek, o‘yin elementlari asosidagi baholash modeli an’anaviy test shakllariga nisbatan pastroq emotsional zo‘riqish bilan bog‘liq ekanligi aniqlangan. Maqolada Kahootdan foydalanishning metodik jihatlari, psixologik xavfsizlikni ta’minlash omillari hamda vaqt chegarasi va raqobat muhitining kognitiv yuklamaga ta’siri muhokama qilinadi. Xulosa sifatida, Kahoot! platformasi oliy ta’lim muassasalarida samarali interaktiv baholash, bilimlarni oshirish va mustahkamlash vositasi sifatida qo‘llanishi mumkinligi asoslab beriladi.