ҲУДУДЛАРДА ЖИНОЯТЧИЛИКНИ ОЛДИНИ ОЛИШДА «ИЖТИМОИЙ ПРОФИЛАКТИКА ҲАФТАЛИГИ»НИ ЎТКАЗИШНИНГ МАҚСАДИ ВА АСОСИЙ ВАЗИФАЛАРИ

Abstract

Мазкур тадқиқотда ҳудудларда жиноятчиликни олдини олиш жараёнида «Ижтимоий профилактика ҳафталиги»ни ўтказишнинг мақсади ва асосий вазифалари комплекс илмий таҳлил қилинган. Ижтимоий профилактика жиноятчиликнинг сабаб ва шарт-шароитларини бартараф этишга қаратилган тизимли ижтимоий-ҳуқуқий механизм сифатида кўриб чиқилган. Маҳаллаларда профилактика самарадорлигини ошириш, аҳолининг ҳуқуқий онги ва маданиятини юксалтириш, ижтимоий муаммоларни аниқлаш ва ҳал қилиш, бандликни таъминлаш ҳамда жамоатчилик иштирокини кенгайтириш «Ижтимоий профилактика ҳафталиги»нинг устувор йўналишлари сифатида асосланган. Илмий назариялар, халқаро тадқиқотлар ва расмий статистик маълумотлар асосида мазкур ҳафталикнинг жиноятчиликни барвақт олдини олишдаги аҳамияти ёритилган. Тадқиқот натижалари ижтимоий профилактика тадбирларини тизимли ва мунтазам ташкил этиш жиноятчилик динамикасига ижобий таъсир кўрсатишини тасдиқлайди.