HOMILADORLIKDAN SO`NG AYOLLARDA KUZATILADIGAN SALBIY PSIXOLOGIK O`ZGARISHLAR VA ULARNI DAVOLASH CHORALARI

Abstract

Ushbu maqoladada homiladorlikdan keyingi davrda ayollarda kuzatiladigan salbiy psixologik o‘zgarishlar, ularning rivojlanish sabablari, klinik belgilari va davolash usullari yoritilgan. Tug‘ruqdan so‘ng organizmda yuz beradigan gormonal, emotsional va ijtimoiy o‘zgarishlar natijasida ayollarda “baby blues”, postpartum depressiya va kam uchraydigan postpartum psixoz kabi ruhiy holatlar paydo bo‘lishi mumkin. Ushbu holatlarning shakllanishida stress, uyqusizlik, oilaviy qo‘llab-quvvatlashning yetishmasligi, gormonal disbalans va psixologik omillar muhim rol o‘ynaydi. Tadqiqotda bu psixologik holatlarni erta aniqlash, psixologik maslahat, psixoterapiya, tibbiy yordam, sog‘lom turmush tarzini shakllantirish va oilaviy qo‘llab-quvvatlashning ahamiyati ko‘rsatib o‘tilgan. Xulosa sifatida, tug‘ruqdan keyingi psixologik o‘zgarishlarga vaqtida e’tibor qaratish va kompleks yondashuv qo‘llash ayol va bola salomatligini saqlashda muhim omil ekani ta’kidlanadi.