TURLI ME’YORLARDAGI BENTONIT GILLARI BILAN CHIGITNI QOBIQLASH VA BARGDAN OZIQLANTIRISHNING G‘O‘ZA FENOLOGIK FAZALARI DAVOMIYLIGIGA TA’SIRI

Аннотация

Navoiy viloyati Karmana tumani sharoitida tipik bo‘z tuproqlarda turli me’yordagi bentonit gillari bilan chigitni qobiqlab ekish hamda g‘o‘zani bargidan oziqlantirishning g‘o‘zaning fenologik rivojlanish fazalari davomiyligiga ta’siri o‘rganilgan. Dala tajribalarida chigitning unib chiqishi, shonalash, gullash va ko‘saklarning pishib yetilishi kabi fazalarning kechishi kuzatilgan. Tadqiqot natijalariga ko‘ra, bentonit bilan qobiqlangan chigitlarda maysalarning erta va qiyg‘os unib chiqishi ta’minlangan hamda fenologik fazalarning boshlanishi nazorat variantiga nisbatan tezlashgan. Ayniqsa, bentonitning o‘rtacha va yuqori me’yorlari hamda bargdan oziqlantirish qo‘llanilgan variantlarda g‘o‘zaning o‘sish va rivojlanish jarayonlari jadal kechganligi aniqlangan.