KERATOLITIK TA’SIRGA EGA BO’LGAN GEL TARKIBINI TANLASH

Abstrak

Yumshoq konsistensiyali dori vositalari — malhamlar, gellar, pastalar va kremlar — farmatsevtik texnologiyada keng qo‘llaniladigan murakkab dispers tizimlar bo‘lib, ular odatda asos (bazis) va faol farmatsevtik ingredientlardan tashkil topadi. Bunday tizimlarning terapevtik samaradorligi ko‘p jihatdan ularning tarkibiy komponentlari o‘rtasidagi fizik-kimyoviy o‘zaro ta’sirga va asosning xususiyatlariga bog‘liqdir. To‘g‘ri tanlangan gel yoki boshqa yumshoq dori asoslari dori moddalarning biologik muhitga kerakli tezlikda va to‘liq ajralib chiqishini ta’minlaydi, preparatga zarur reologik shakl beradi, qo‘llash jarayonida qulaylik yaratadi hamda saqlash davomida barqarorligini oshiradi.