INTERNET VA IJTIMOIY TARMOQLARNING O‘SMIRLAR PSIXOLOGIYASIGA TA’SIRI

Аннотация

Mazkur tezisda internet va ijtimoiy tarmoqlarning o‘smirlar psixologiyasiga ta’siri, ushbu ta’sirning ijobiy va salbiy jihatlari hamda o‘smir shaxsining rivojlanishida raqamli muhitning o‘rni tahlil qilinadi. Bugungi kunda internet va ijtimoiy tarmoqlar o‘smirlarning kundalik hayotining ajralmas qismiga aylanib, ularning muloqoti, axborot olish usullari, o‘zini namoyon etishi va ijtimoiylashuv jarayonlariga sezilarli ta’sir ko‘rsatmoqda. Shu bilan birga, internetdan me’yoridan ortiq foydalanish, ijtimoiy tarmoqlarga psixologik bog‘liqlik, kiberbulling, salbiy kontent va virtual muloqotning ustunligi o‘smirlarning emotsional holati, o‘z-o‘zini baholashi va real ijtimoiy munosabatlariga salbiy ta’sir ko‘rsatishi mumkin. Tezisda o‘smirlarning internetdan ongli va xavfsiz foydalanish madaniyatini shakllantirish, media savodxonlikni rivojlantirish hamda ota-ona va ta’lim muassasasi hamkorligining ahamiyati yoritiladi.