CHET EL FUQAROLARI VA FUQAROLIGI BO‘LMAGAN SHAXSLARNI MA’MURIY TARZDA CHIQARIB YUBORISH INSTITUTINING HUQUQIY TABIATI VA UNI TAKOMILLASHTIRISH MASALALARI

Annotatsiya

Mazkur maqolada chet el fuqarolari va fuqaroligi bo‘lmagan shaxslarni O‘zbekiston hududidan ma’muriy tarzda chiqarib yuborish institutining huquqiy tabiati hamda o‘ziga xos xususiyatlari tahlil qilingan. Ma’muriy chiqarib yuborish, deportatsiya va readmissiya tushunchalarining qiyosiy tahlili asosida ularni milliy qonunchilikda qat’iy chegaralash zarurligi asoslab berilgan. Shuningdek, jazoni tayinlashda insonparvarlik tamoyilini keng qo‘llash, shaxsning oilaviy sharoitlarini yoki aliment majburiyatlarini inobatga olgan holda jazoning muqobil turlarini joriy etish taklif etilgan. Bundan tashqari, nazorat jarayoniga “Smart Policing” kabi innovatsion raqamli texnologiyalarni tatbiq etish orqali ma’muriy javobgarlik tizimini zamonaviylashtirish masalalari yoritilgan.