SURXONDARYO ANORI — UROLITIN A PREKURSORLARINING STRATEGIK MANBAI: MUSHAK VA YURAK SALOMATLIGINI SAQLASHDA ZAMONAVIY ISTIQBOLLAR

Abstract

Surxondaryo viloyatining tabiiy-iqlim sharoitida yetishtirilgan anor navlari tarkibida ellagitanninlar va polifenollar yuqori konsentratsiyada to‘planishi aniqlangan. Mazkur biofaol birikmalar ichak mikrobiotasi ta’sirida Urolitin A ga metabolizatsiyalanib, mitofagiya jarayonini faollashtiradi hamda mitoxondrial funksiyalarning tiklanishiga yordam beradi. Ushbu jarayon skelet mushaklari chidamliligini oshirish, qon plazmasidagi seramidlar miqdorini kamaytirish va yurak-qon tomir tizimini himoyalashda muhim ahamiyat kasb etadi. Shuningdek, Surxondaryo anorining qalin po‘stlog‘i ellagitanninlarning boy manbai sifatida farmatsevtika va nutrisevtika sanoati uchun istiqbolli xomashyo bo‘lib xizmat qilishi mumkin.