SHALFEY VA MOYCHECHAK (3:1), (2:2) TARKIBLI YIG`MANING KARRAGENINLI YALLIG`LANISH MODELIDA YALLIG`LANISHGA QARSHI TA`SIRINI O`RGANISH

Abstrak

Ushbu maqolada shalfey (Salvia officinalis L.) va moychechak (Matricaria chamomilla L.) dorivor o‘simliklaridan tayyorlangan yig‘maning karragenin orqali chaqirilgan o‘tkir yallig‘lanish modelida yallig‘lanishga qarshi ta’siri o‘rganildi. Tadqiqot davomida shalfey va moychechak o‘simliklarining biologik faol moddalarga boyligi, ularning yallig‘lanish jarayoniga ta’sir mexanizmlari hamda turli nisbatlarda tayyorlangan yig‘maning farmakologik samaradorligi baholandi. Olingan natijalar shuni ko‘rsatdiki, shalfey va moychechakdan tayyorlangan yig‘ma yallig‘lanishga qarshi sezilarli faollikka ega bo‘lib, eksperimental hayvonlarda shish va yallig‘lanish belgilari kamayishiga olib keldi. Ushbu yig‘ma kelajakda tabiiy yallig‘lanishga qarshi vosita sifatida qo‘llanilishi mumkin.