VITAMINLI OʻSIMLIKLAR. VITAMINLARNING KLASSIFIKATSIYASI

Abstrak

Vitaminlar - organizmning normal o`sishi va rivojlanishi uchun zarur bo’lgan va nisbatan oz miqdorda uchraydigan kimyoviy organik birikmalar hisoblanadi. Vitaminlar – tirik organizmda har xil biokimyoviy va fiziologik jarayonlar me’yorida o’tib turishini ta’minlaydigan moddalardir. Vitaminlarsiz odam va hayvon organizmi uzoq vaqt yashay olmaydi, ovqat tarkibida vitamin yetishmaganda gipovitaminoz, mutlaqo boʻlmaganda avitaminoz kasalligi rivojlanadi. Organizmda vitaminlarning yetishmasligi yoki umuman bo’lmay qolishining asosiy sabablari: ozuqa tarkibida vitaminlarning yetishmasligi yoki umuman bo’lmasligi, ba’zilarining esa ichak devori orqali so’rila olmay qolishi, ozuqalar tarkibida vitaminlarning (hazm qilish organlarida) sintezlanishiga halaqit qiladigan salbiy omillar, jumladan antibiotik yoki sulfanilamid preparatlari bo’lib, ularni uzluksiz qabul qilishi kiradi.