IBN SINO ASARLARIDAGI ORTIQCHA VAZNLIKKA QARSHI DORI VOSITALAR FARMAKOLOGIYASI

Abstract

Gavda tuzilishi – bu har bir insonning ko’rki hisoblanadi. Hozirgi kunda tadqiqotlarning ko’rsatishicha dunyo aholisining deyarli 30%i semizlikdan shikoyat qilishi aniqlangan. Bugungi kunda ortiqcha vaznlilik bir qancha yomon oqibatlarga sabab bo’lmoqda. Xususan, respublikamizda ham mazkur muammo sog`liqni saqlash tizimida jiddiy oqibatlarni yuzaga keltirmoqda. Semizlik, aosan, uning abdominal (qorin sohasidagi) shakli ko’plab kasalliklarning kelib chiqishida muhim rol o’ynashi so’nggi yillarda olib borilgan ilmiy izlanishlarda o’z natijasini topdi. Xususan, 55 yoshdan kichik bo’lgan 3-daraja semizligi bo’lgan odamlarda 2-tur qandli diabet bilan kasallanish xavfi shu yoshdagi normal tana vaznida bo’lgan odamlarga nisbatan erkaklarda 18, ayollarda 13 marta yuqori bo’lishi isbotlangan. Aynan ularning holatini yaxshilash uchun Abu Ali ibn Sino bir qancha tabiiy vositalar haqida ma’lumotlar yozib qoldirganlar.