ITALYAN TILIDA SEVGI VA G'AM EMOTSIYALARINING FRAZEOLOGIK IFODASI VA LINGVOKOGNITIV TALQINI

Аннотация

Mazkur maqolada emotsiyalar psixologik va lingvokognitiv nuqtayi nazardan tahlil qilinadi. Asosiy e’tibor amore(sevgi) va tristezza(g’am) emotsiyalarining konseptual mohiyatini aniqlashga, ularning inson ruhiy hayotidagi o’rni va ahamiyatini yoritishga qaratilgan. Tadqiqot davomida ushbu emotsiyalarning metaforik va metonimik ifodalanish modellari ko’rib chiqilib, ayniqsa italyan tilidagi frazeologik birliklar misolida ularning lingvokognitiv xususiyatlari ochib beriladi. Tahlillar shuni ko’rsatadiki, sevgi va g’am emotsiyalari til tizimida ko’pincha somatik komponentlar, xususan yurak, ko’z, bosh kabi birliklar orqali ifodalanadi. Bu esa emotsiyalarning inson ongida jismoniy tajriba bilan uzviy bog’liq holda konseptuallashtirilishini tasdiqlaydi. Shuningdek, maqolada ushbu emotsiyalarning qarama-qarshi, ammo o’zaro bog’liq tabiati ham asoslab beriladi