KRIMINOGEN VAZIYAT TUSHUNCHASI, MAZMUNI, BELGILARI VA TASNIFI

Аннотация

Mazkur maqolada kriminogen vaziyat tushunchasining nazariy asoslari, mazmun-mohiyati, asosiy belgilari va tasnif mezonlari ilmiy jihatdan tahlil qilingan. Zamonaviy kriminologiyada jinoyatchilikni faqat shaxsiy omillar orqali emas, balki ijtimoiy muhit, iqtisodiy sharoitlar, psixologik va madaniy omillar tizimi orqali tushuntirish zarurligi asoslab berilgan. Deterministik, situatsion hamda kompleks tizimli yondashuvlarning qiyosiy tahlili orqali kriminogen vaziyat jinoyatning bevosita sababi emas, balki jinoiy xatti-harakat ehtimolini kuchaytiruvchi ijtimoiy katalizator sifatida talqin etiladi. Shuningdek, postsovet kriminologik maktabi vakillarining ilmiy qarashlari, psixologik konsepsiyalar hamda kundalik faoliyat nazariyasining mazkur tushuncha rivojidagi o‘rni ochib berilgan. Maqolada kriminogen vaziyatning asosiy belgilari, tasnif mezonlari hamda uni baholash va monitoring qilishning metodologik muammolari ko‘rib chiqilgan. Xulosa sifatida jinoyatchilikka qarshi kurashda repressiv yondashuvdan ko‘ra profilaktik boshqaruv modelining ustuvorligi asoslab berilgan.