AKUSHERLIK VA GINEKOLOGIYA AMALIYOTIDA ISHLATILADIGAN DORI VOSITALARINING ASSORTIMENT TAHLILI

Аннотация

Oʻzbekiston Respublikasida akusherlik va ginekologiya kasalliklarini davolashda zamonaviy yondashuvlarga va yangi murakkab dori vositalarining istiqbollariga alohida e'tibor qaratilmoqda. Akusherlik va ginekologiya kasalliklarini oʻrganish sohasidagi yutuqlar va yangi dori vositalarining yaratilishini hisobga olgan holda, ushbu kasallikni davolashda qoʻllaniladigan dori vositalari assortimentini tahlil qilish muhim ahamiyatga ega. Ushbu maqolada farmatsevtika bozorida akusherlik va ginekologiya kasalliklarini davolashda qoʻllaniladigan dori vositalarining assortiment tahlilini oʻrganish natijalari keltirilgan. 2020-2024 yillar davomida Oʻzbekiston Respublikasida tibbiyot amaliyotda qoʻllash uchun ruxsat etilgan dori vositalari, tibbiy buyumlar va tibbiy texnika Davlat reestriga kiritilgan akusherlik va ginekologiya amaliyotida ishlatiladigan dori vositalari assortimenti tahlil qilingan. Tahlili natijalari bemorlarning ehtiyojlari va sifat talablariga mos ravishda taqdim etilgan boʻlib, ular farmatsevtika sanoatidagi ishlab chiqaruvchilar, distribyutorlar va tadqiqotchilar uchun foydali boʻlishi mumkin.