O'ZBEKISTON QONUNCHILIGIDA INTERNET ATAMASINING TERMINOLOGIK TAHLILI

Аннотация

Ushbu maqolada O‘zbekiston Respublikasi qonunchiligida “Internet jahon axborot tarmog‘i”, “Internet tarmog‘i”, “Butunjahon Internet tarmog‘i” kabi turli atamalarning bir xil huquqiy munosabatlarni ifodalash uchun qo‘llanilishi natijasida yuzaga kelayotgan terminologik nomuvofiqlik muammosi tahlil qilingan; Jinoyat kodeksi, Ma’muriy javobgarlik to‘g‘risidagi kodeks, Jinoyat-protsessual kodeks, Vazirlar Mahkamasi qarorlari va Prezident farmonlari kabi normativ-huquqiy hujjatlardagi statistik ma’lumotlar asosida terminologik nomuvofiqlik holatlari aniqlangan; Rossiya Federatsiyasi va Qozog‘iston Respublikasining shu sohadagi tajribasi o‘rganilgan hamda Konstitutsiyada mustahkamlangan “Internet jahon axborot tarmog‘i” atamasini butun qonunchilik tizimida yagona va asosiy atama sifatida unifikatsiya qilish, “Axborotlashtirish to‘g‘risida”gi qonunga aniq huquqiy ta’rif kiritish, raqamli texnologiyalar sohasidagi atamalarning rasmiy lug‘atini ishlab chiqish hamda monitoring mexanizmini joriy etish bo‘yicha amaliy takliflar ilgari surilgan.