CHET EL FUQAROLARI VA FUQAROLIGI BO'LMAGAN SHAXSLARNING MA'MURIY JAVOBGARLIK MASALASI

Аннотация

Maqola O‘zbekiston Respublikasi hududida bo‘lgan chet el fuqarolari va fuqaroligi bo‘lmagan shaxslarning ma’muriy javobgarligi masalasini huquqiy-tahliliy jihatdan o‘rganishga bag‘ishlangan. Maqolada chet el fuqarolarining O‘zbekistonda bo‘lish qoidalarini buzish holatlari uchun jazo choralari (jarima, ma’muriy tarzda chiqarib yuborish, kirish huquqini cheklash), immunitetga ega shaxslarga nisbatan qo‘llaniladigan normalar hamda aliment majburiyatlari mavjud shaxslarga nisbatan cheklovlar batafsil tahlil qilingan. Markaziy Osiyo mintaqasida migratsiya siyosati va ma’muriy javobgarlik tizimining xususiyatlari ilmiy adabiyotlar va rasmiy hujjatlar asosida ko‘rib chiqilgan. Maqola migratsiya oqimlarini tartibga solish, xavfsizlikni ta’minlash va inson huquqlarini himoya qilish o‘rtasidagi muvozanatni saqlash masalalariga alohida e’tibor qaratgan.