RAQAMLI AUTIZM PSIXOLOGIK MUAMMO SIFATIDA

Аннотация

Ushbu maqolada raqamli texnologiyalar, xususan, smartfonlar, planshetlar va internet tarmoqlaridan ortiqcha foydalanish natijasida yuzaga kelayotgan raqamli autizm holatining psixologik oqibatlari tahlil qilinadi. Tadqiqotda bolalar va o‘smirlar ongida yuz berayotgan ijtimoiy izolyatsiya, e’tibor va emotsional aloqa buzilishlari, shuningdek, kognitiv faoliyatning susayishi holatlari yoritilgan. Raqamli autizmning rivojlanishiga olib keluvchi omillar, uning oldini olish yo‘llari hamda psixologik korreksiya usullari tahliliy tarzda ko‘rib chiqiladi. Maqolada oila, maktab va psixologlarning o‘zaro hamkorligi raqamli autizmning oldini olishdagi muhim omil sifatida baholanadi..