АҲОЛИ ПУНКТЛАРИНИНГ ЕРЛАРИДА ҚУРИЛГАН КЎП КВАРТИРАЛИ УЙЛАРГА ОИД ФУҚАРОЛИК-ҲУҚУҚИЙ МУНОСАБАТЛАРНИНГ ИЛМИЙ ТАҲЛИЛИ

Аннотация

Мақолада аҳоли пунктларининг ерларида қурилган кўп квартирали уй-жой фондига оид фуқаролик-ҳуқуқий муносабатларнинг назарий ва амалий жиҳатлари илмий таҳлил қилинган. Уй-жой муносабатларининг ҳуқуқий табиати, кўп квартирали уйларнинг умумий мулк, улушли мулк ва якка тартибдаги эгалик институтлари билан ўзаро боғлиқлиги ҳамда мазкур мулк объектига эгалик қилиш, ундан фойдаланиш ва уни тасарруф этиш механизмлари чуқур ўрганилади. Тадқиқотда шунингдек, ер участкасининг ҳуқуқий мақоми, кўп квартирали уйлар остидаги ерга нисбатан мулк ва фойдаланиш ҳуқуқларининг ўзига хослиги, уй эгалари ўртасида юзага келадиган мулкий ва номулкий низоларни тартибга солиш механизмлари амалдаги қонунчилик асосида таҳлил қилинади.