IJTIMOIY TARMOQLARNING YOSHLAR PSIXOLOGIYASIGA SALBIY TA'SIRI

Аннотация

Ushbu maqolada axborot texnologiyalari asrida keng rivojlanib borayotgan va insonlar o‘z ehtiyojlarini qondirish maqsadida faol foydalanayotgan ijtimoiy tarmoqlar hamda ularning yoshlar psixologiyasiga ko‘rsatadigan salbiy ta’siri haqida so‘z yuritiladi. Hozirgi globallashuv davrida yoshlarning ijtimoiy tarmoqlardan noto‘g‘ri va samarasiz foydalanishi eng dolzarb muammolardan biri bo‘lib qolmoqda. Maqolada ijtimoiy tarmoqlarning kuchli mafkuraviy qurolga aylanib borayotgani, buning oqibatida ko‘plab yoshlar turli salbiy oqibatlarga duch kelayotgani tahlil qilinadi. Shuningdek, ijtimoiy tarmoqlarning yosh foydalanuvchilarga yordam berish imkoniyatlari bilan bir qatorda, ularni o‘ziga haddan tashqari jalb qilishi va bu holatning ularning ongiga hamda ruhiyatiga ko‘rsatadigan salbiy ta’siri yoritib beriladi.