БОСҚИНЧИЛИК ЖИНОЯТИНИНГ КРИМИНОЛОГИК ДЕТЕРМИНАНТЛАРИ ВА УЛАРНИ ТАСНИФЛАШГА ДОИР АЙРИМ МАСАЛАЛАР

Abstract

Мазкур илмий мақолада босқинчилик жиноятининг криминологик детерминантлари, уларнинг тузилмавий хусусиятлари ва ўзаро боғлиқлик механизмлари ҳар томонлама таҳлил қилинган. Тадқиқотнинг долзарблиги жиноятчиликнинг мазкур тури замонавий жамиятда ижтимоий-иқтисодий беқарорлик, ҳуқуқий тизим самарадорлиги ва шахс онгининг девиант ўзгаришлари билан чамбарчас боғлиқ эканлиги билан изоҳланади. Тадқиқот объекти сифатида босқинчилик жиноятига таъсир этувчи макро (ижтимоий-иқтисодий), мезо (оилавий ва муҳит), ҳамда микро (индивидуал ва психологик) даражадаги омиллар тизими танланган. Методологик жиҳатдан тадқиқотда қиёсий-ҳуқуқий, таҳлил, синтез, индукция, дедукция ва кузатиш усулларидан фойдаланилган.