MEHRIBONLIK UYI TARBIYALANUVCHILARINING SHAXSLARARO MUNOSABATLARI PSIXOLOGIK TAHLILI

Аннотация

Mamlakatimizda sog’lom va barkamol avlodni tarbiyalash, ularni ma’naviy-ruhiy jihatdan yetuk, zehni o’tkir, zukko va bilimdon qilib tabiyalash eng dolzarb vazifalaridan biridir. Mehribonlik uyida tarbiyalanayotgan bola oilada kamol topayotgan boladan kam bo’lmasdan, aksincha,  har tomonlama rivojlangan, zehni o’tkir bo’lishi lozim. Shu sababli,  mehribonlik uyi tarbiyalanuvchilarining psixologik rivojlanishi, jumladan, ularning shaxslararo munosabatning o’ziga xos xususiyatlarini o’rganish bugungi kun psixologiyasining dolzarb muammolaridan biri  hisoblanadi. Ammo shaxs shakllanishida muhim o’rin egallagan shaxslararo munosabatlar mehribonlik uyi tarbiyalanuvchilari misolida izchil ravishda o’rganilmagan. Ana shu nuqtai nazardan yondashadigan bo’lsak, mehribonlik uyi tarbiyalanuvchilarida shaxslararo munosabatning o’ziga xos xususiyatlarini o’rganish ham bu mavzuning dolzarbligidan dalolatdir.