OʻZBEKISTONDA INGLIZ TILINI OʻQITISHNING RAQAMLI TRANSFORMATSIYASI: TENDENSIYALAR, TOʻSIQLAR VA METODIK YANGILIKLAR

Annotatsiya

Mazkur tezisda O‘zbekistonda ingliz tilini o‘qitish tizimining raqamli transformatsiyasi, uning asosiy rivojlanish tendensiyalari, mavjud muammolari va innovatsion metodik yondashuvlari tahlil qilinadi. So‘nggi yillarda mamlakatda ta’limni raqamlashtirish davlat siyosatining ustuvor yo‘nalishlaridan biriga aylangan bo‘lib, ayniqsa ingliz tilini o‘qitish jarayonida onlayn platformalar, sun’iy intellekt vositalari, multimedia texnologiyalari va blended learning metodlari keng qo‘llanilmoqda. Tadqiqot davomida rasmiy statistik ma’lumotlar, davlat dasturlari va xalqaro tashkilotlar hisobotlari asosida ingliz tili ta’limining raqamli rivojlanish ko‘rsatkichlari tahlil qilindi. Natijalar shuni ko‘rsatadiki, raqamli transformatsiya ingliz tilini o‘qitish samaradorligini oshirish bilan birga, infratuzilma, pedagogik kompetensiya va metodik ta’minot bilan bog‘liq muammolarni ham yuzaga chiqarmoqda.