ЧЕТ ТИЛ ЎҚИТИШ ЖАРАЁНИДА ТАЛАБАЛАРНИНГ ЎҚУВ ФАОЛИЯТИНИ ТАКОМИЛЛАШТИРИШ МОДЕЛИ

Annotatsiya

Ўқув жараёни структурасининг энг муҳим элементи талабаларнинг ўқув фаолиятини назорат қилишдир. Олий таълим олдидаги муаммоларни ҳал этишнинг муваффақияти кўп жиҳатдан назоратни тўғри ташкил этиш ва барча босқичларда талабаларни баҳолаш мезонларини танлашга боғлиқ. М.М. Поташник "бошқарув" тушунчасига таъриф беради: "Барча субъектларнинг мақсадли фаолияти, таълим муассасасининг шаклланиши, барқарорлашуви, оптимал ишлаши ва мажбурий ривожланишини таъминлаш" [1]. Ўқув фаолиятини бошқариш деганда биз талабаларнинг интеллектуал ва шахсий ривожланишига, ўз-ўзини ривожлантиришга ёрдам беришга, шунингдек, талабаларнинг мустақил фаолиятини ташкил этишга, таҳлил қилиш, тушуниш орқали улар томонидан тажрибани ўзлаштиришга қаратилган ўқитувчи фаолияти тизимини тушунамиз.