ASB BO‘LGAN BOLALARDA SENSOR BUZILISHLARNING KOGNITIV VA IJTIMOIY RIVOJLANISHGA TA’SIRI

Abstrak

Hozirgi davrda autizm spektridagi buzilishlar (ASB) bolalar rivojlanishida muhim muammo sifatida qaralmoqda. Tadqiqotlar ASB bo‘lgan bolalarning aksariyatida sensor qayta ishlash buzilishlari mavjudligini ko‘rsatadi. Sensor tizimlardagi nomutanosiblik bolaning kognitiv rivojlanishi, nutq shakllanishi hamda ijtimoiy moslashuviga salbiy ta’sir ko‘rsatadi. Ushbu maqolada ASB bo‘lgan bolalarda uchraydigan sensor buzilishlarning mohiyati, turlari va ularning kognitiv, ijtimoiy hamda nutq rivojiga ta’siri ilmiy manbalar asosida tahlil qilinadi. Shuningdek, sensor integratsiya terapiyasining samaradorligi va uning neyropsixologik asoslari yoritib beriladi. Tadqiqot natijalari sensor integratsiyaga asoslangan erta aralashuv usullari ASB bo‘lgan bolalarning rivojlanish dinamikasini sezilarli darajada yaxshilashini ko‘rsatadi.