MA’MURIY JAZO TIZIMIDA MAJBURIY JAMOAT ISHLARI INSTITUTI: HUQUQIY TABIATI VA TAKOMILLASHTIRISH ISTIQBOLLARI

Abstrak

Mazkur maqolada ma’muriy jazo tizimidagi majburiy jamoat ishlari institutining ijtimoiy-huquqiy tabiati, o‘ziga xos xususiyatlari va huquqni qo‘llash amaliyotidagi muammolari tahlil qilingan. Jazoni ijro etishda inson qadr-qimmatini kamsitmaslik, qisqa muddatli ishlar uchun an’anaviy mehnat shartnomalari o‘rniga fuqarolik-huquqiy yoki elektron shartnomalarni joriy etish, shuningdek, voyaga yetmaganlarga nisbatan mazkur jazoning moslashtirilgan muqobil turlarini qo‘llash masalalari ilmiy asoslab berilgan. Bundan tashqari, jazoni o‘tash ustidan nazoratni ta’minlashda korrupsiyaviy xavflarni bartaraf etish va samaradorlikni oshirish maqsadida tizimga “Smart Policing” (aqlli nazorat) va geolokatsiya texnologiyalarini tatbiq etish bo‘yicha takliflar ilgari surilgan.