ИНСОН ОРГАНЛАРИ ВА ТЎҚИМАЛАРИНИ ТРАНСПЛАНТАЦИЯ ҚИЛИШНИНГ ҲУҚУҚИЙ ЖИҲАТЛАРИ

Abstrak

Mақолада инсон органлари ва тўқималарини трансплантация қилишнинг ҳуқуқий ва биоэтик жиҳатлари соматик ҳуқуқларнинг муҳим тури сифатида таҳлил этилади. Муаллифа таъкидлайдики, трансплантация инсон ҳаётини сақлаб қолишга хизмат қилувчи мураккаб тиббий амалиёт сифатида аниқ ҳуқуқий асослар, донор ва реципиент ҳуқуқларининг кафолатли ҳимоясини талаб этади. Тадқиқотда Ўзбекистонда трансплантация соҳасидаги қонунчилик ривожланиши, хусусан 2022 йилда қабул қилинган “Инсон аъзолари ва тўқималарининг трансплантацияси тўғрисида”ги Қонун мазмуни чуқур таҳлил қилинади ва Япония ҳамда Тожикистон тажрибаси билан солиштирма ўрганилади. Шунингдек, бош мия ўлими, орган савдоси, донорликка розилик ва биоэтик муаммоларнинг ҳуқуқий ечимлари кўриб чиқилади. Муаллифа халқаро стандартларга мувофиқ миллий қонунчиликни такомиллаштириш бўйича аниқ таклифлар илгари суради.