INTELLEKTUAL MULK HUQUQIDA PATENTLASHTIRISH TIZIMI VA AMALIYOTI: SANOAT NAMUNASI MISOLIDA

Abstrak

Ushbu maqola sanoat namunasini patentlash tizimi va uning amaliyotini chuqur tahlil qiladi, O‘zbekiston Respublikasining milliy qonunchiligi hamda xalqaro hujjatlar kontekstida, jumladan Parij konvensiyasi, TRIPS shartnomasi, Lokarno va Gaaga tizimlari doirasida ko‘rib chiqiladi. Tadqiqot sanoat namunasining badiiy-konstruktorlik xususiyatlarini, patentga layoqatlilik mezonlarini, davlat ekspertizasi jarayonini, shuningdek, variantlar va jamlanmalar orqali turli dizayn elementlarining himoya darajasini o‘rganadi. Maqolada patentlash orqali mahsulotning bozordagi raqobatbardoshligini oshirish, xalqaro eksportni himoya qilish hamda intellektual mulkning kompleks huquqiy muhofazasi masalalari yoritilgan. Shuningdek, maqolada sanoat namunalari va dizaynlarning xalqaro standartlarga muvofiqligi, milliy tartibga solish mexanizmlari va xalqaro tasniflash tizimlaridan samarali foydalanish strategiyalari tahlil qilingan. Tadqiqot normativ-huquqiy tahlil, komparativ-huquqiy metod, doktrinal sharhlash va huquqiy amaliyot tahlili metodologiyalariga tayangan.