ҲУДУДЛАРДА ЖИНОЯТЧИЛИКНИ ОЛДИНИ ОЛИШНИ АМАЛГА ОШИРИШДАН КУТИЛАЁТГАН НАТИЖАЛАР

Abstrak

Мазкур тадқиқотда ҳудудларда жиноятчиликни олдини олишни амалга ошириш натижасида кутилаётган ижтимоий-ҳуқуқий, ташкилий ва институционал самаралар таҳлил қилинган. Профилактика механизмларини комплекс равишда жорий этиш орқали маҳаллаларда криминоген вазиятни барқарорлаштириш, ижтимоий профилактика объектларини барвақт аниқлаш, мол-мулкни қўриқлаш қамровини кенгайтириш, рақамли бошқарув ва назорат тизимини шакллантириш, жиноятларни очиш самарадорлигини ошириш ҳамда давлат органлари ва жамоатчилик ўртасида ишончли ҳамкорликни таъминлаш имкониятлари асосланган. Шунингдек, фуқароларда ҳуқуқий онг ва фуқаровий жавобгарлик туйғусини шакллантириш профилактика жараёнининг устувор натижаларидан бири сифатида кўриб чиқилган. Тадқиқот хулосалари жиноятчиликни барқарор камайтириш комплекс ва узлуксиз профилактика механизмларига боғлиқ эканини кўрсатади.