QASDDAN ODAM O'LDIRISH JINOYATIDA SUN'IY INTELLEKTNING JINOYAT SODIR ETISH QUROLI SIFATIDAGI O'RNI

Abstrak

Mazkur ilmiy maqolada qasddan odam o‘ldirish jinoyatida sun’iy intellekt texnologiyalarining jinoyat sodir etish quroli sifatidagi o‘rni, huquqiy va kriminologik jihatlari tahlil qilinadi. Sun’iy intellektning avtonom qaror qabul qilish, algoritmik boshqaruv va masofadan ta’sir ko‘rsatish imkoniyatlari jinoyat sodir etish usullarining murakkablashuviga olib kelayotgani ilmiy asosda yoritiladi. O‘zbekiston Respublikasi Jinoyat kodeksining 97-moddasi (qasddan odam o‘ldirish) va 98-moddasi (kuchli ruhiy hayajonlanish holatida qasddan odam o‘ldirish) normalari asosida sun’iy intellektdan foydalanilgan jinoyatlarda subyektiv va obyektiv tomon, jinoyat quroli tushunchasi hamda javobgarlik masalalari muhokama qilinadi.