КОРРУПЦИЯ ТУШУНЧАСИНИНГ ҲУҚУҚИЙ ИНТЕРПРЕТАЦИЯСИДАГИ МУАММО ВА ЕЧИМЛАР

Abstrak

Мақолада коррупция тушунчасининг ҳуқуқий интерпретациясига доир назарий-амалий муаммолар комплекс тарзда таҳлил этилиб, мазкур феноменнинг жиноий-ҳуқуқий ва криминологик моҳиятини аниқ ифодалайдиган универсал таърифни ишлаб чиқишга уриниш амалга оширилади. Тадқиқотда «коррупция» атамасининг рим ҳуқуқи манбаларидаги қўлланилиши, юридик энциклопедиялар ва қомусий луғатлардаги таърифлар, шунингдек, қатор ҳуқуқшунос олимларнинг назарий ёндашувлари қиёсий таҳлил қилинади. Ушбу таърифларнинг қиёси натижасида коррупциянинг асосий белгилар тизими изчил асослаб берилади. Мақолада коррупциянинг замонавий кўринишлари – рақамли коррупция ва киберкоррупция, лоббизм, протекционизм, непотизм, таъсир савдоси каби шакллар ҳам қамраб олинади ҳамда уларнинг жиноят таркиби чегараларига муносабати ёритилади