ЎЗБЕКИСТОНДА "ЯШИЛ" ЭНЕРГЕТИКА: ГЛОБАЛЛАШУВ ШАРОИТИДА БАРҚАРОР РИВОЖЛАНИШНИНГ ЯНГИ БОСҚИЧИ

Abstract

Мазкур мақолада глобаллашув шароитида жаҳон иқтисодиётида энергия ресурсларига бўлган талабнинг ошиб бориши, иқлим ўзгариши ва углерод чиқиндиларини қисқартириш зарурати нуқтаи назаридан қайта тикланувчи энергия манбаларини ривожлантириш масалалари таҳлил қилинган. Ўзбекистон Республикасида сўнгги йилларда энергетика соҳасида амалга оширилаётган ислоҳотлар, “яшил” энергетика лойиҳалари, хорижий инвестицияларни жалб этиш ҳамда хусусий шериклик механизмларининг жорий этилиши кенг ёритилган. Қуёш, шамол, гидро ва энергия сақлаш тизимларини ривожлантириш орқали электр энергияси ишлаб чиқариш ҳажмини ошириш, табиий газ сарфини қисқартириш ва атроф-муҳитга салбий таъсирни камайтиришнинг иқтисодий ва экологик самаралари асослаб берилган. Шунингдек, Париж битими доирасида Ўзбекистоннинг халқаро иқлим мажбуриятлари, углерод бозорлари ва “яшил” сертификатлар тизимини жорий этиш бўйича амалий чора-тадбирлар таҳлил қилинган. Мақола натижалари мамлакатда барқарор иқтисодий ўсишни таъминлашда “яшил” энергетиканинг стратегик аҳамиятини очиб беради.