QUYI AMUDARYO MINTAQASI HUDUDIDA SAVDOGAR KARVONLARINING SAVDO ALMASHINUVI ORQALI MODDIY VA NOMODDIY MADANIYAT UNSURLARINING TARQALISHI

Abstrak

Mazkur maqolada Quyi Amudaryo mintaqasi hududidan o’tgan qadimgi va o’rta asrlardagi savdo karvonlari faoliyati natijasida moddiy va nomoddiy madaniyat unsurlarining shakllanishi va tarqalishi masalasi tarixiy, arxeologik hamda madaniyatshunoslik yondashuvlari asosida ilmiy tahlil qilinadi. Tadqiqotda mintaqaning geosiyosiy va geoiqtisodiy ahamiyati, savdo yo’llari orqali yuzaga kelgan madaniy integratsiya jarayonlari, diniy-marosimiy qadriyatlar, hunarmandchilik an’analari, turmush tarziga oid unsurlar, shuningdek, xalq og’zaki ijodi va til-madaniy o’zaro ta’sir mexanizmlari o’rganiladi. Karvon yo’llari nafaqat iqtisodiy savdo kanalini, balki madaniyatlararo vositachilikni, g’oyalar almashinuvini ham ta’minlagan murakkab sivilizatsion ko’prik sifatida baholanadi. Maqola xulosalarida Quyi Amudaryo hududining transregional madaniy dinamika shakllanishidagi o’rni ilmiy asoslangan holda yoritiladi.