ЎСМИР ЁШЛИ БОЛАЛАРНИ ОИЛАВИЙ ҲАЁТГА МАЪНАВИЙ ЖИҲАТДАН ТАЙЁРЛАШДА ОНА ШАХСИНИНГ ТАЪСИРИ

Abstrak

Оилада фарзандларга бериладиган дастлабки маънавий-аҳлоқий ва ҳуқуқий тушунчалар, ижтимоий тасаввур ва малакалар аввало ота-оналарнинг саводхонлик даражасига бевосита боғлиқдир. Айниқса, болалар онгига маънавият, мафкура, аҳлоқ, тиббий маданият, ҳуқуқий тушунчаларни сингдириш ота-оналардан ўзига хос билим ва кўникмани талаб этади. Ушбу вазифалардан келиб чиқиб, оналар билан ташкил этилган семинар-тренинг давомида биз уларга кичик сўровнома тарқатдик ва уларнинг умуман оилавий ҳаёт ва унга тайёрлик тўғрисидаги тасаввурларини мониторинг қилдик.