TIBBIYOT YO'NALISHI TALABALARINI SUN'IY INTELLEKT ASOSIDAGI ADAPTIV O'QITISH MODELINING SAMARADORLIGI: NAZARIY VA EMPIRIK TAHLIL

Аннотация

Mazkur maqolada tibbiyot yo‘nalishida sun’iy intellekt (SI) asosidagi adaptiv va simulyatsion o‘qitish modelining pedagogik hamda klinik samaradorligi kompleks ravishda tahlil qilinadi. Tadqiqot kvazi-eksperimental dizayn asosida tashkil etilib, an’anaviy o‘qitish modeli bilan solishtirma baholash amalga oshirildi. Akademik o‘zlashtirish darajasi, klinik qaror qabul qilish aniqligi, diagnostik xatolar ulushi va mustaqil tahlil ko‘nikmalari asosiy baholash mezonlari sifatida o‘rganildi. Statistik tahlil natijalari sun’iy intellekt integratsiyasi talabalarning o‘zlashtirish ko‘rsatkichlarini sezilarli darajada oshirishi hamda klinik fikrlash kompetensiyalarini rivojlantirishini ko‘rsatdi. Virtual klinik simulyatsiyalar xavfsiz o‘quv muhitida amaliy qaror qabul qilish tajribasini shakllantirishga xizmat qildi.