SENIL AORTAL STENOZNI RIVOJLANISHIDA IMMUN YALLIG'LANISHNING AHAMYATI

Abstract

Senil aorta stenozi (SAS)- aorta qopqog'ining torayishi bilan bog'liq bo'lgan yurak kasalligi bo'lib, odatda yoshga bog'liq va jiddiy yurak-qon tomir muammolarini keltirib chiqaradi . Senil aortal stenoz dunyo bo’ylab keng tarqalayotgan va yildan –yilga soni ortib borayotgan kasalliklardan biridir. Uning o’ziga xosligi, u ko’proq katta yoshdagi odamlarda uchraydi va uning asosiy simptomlari kam, ular yashirin ko’rinishda namoyon bo’ladi.  Bundan tashqari, SAS ning patogenetik rivojlanishida immune yallig’lanish jarayonlarining roli muhimligi ilmiy –tadqiqotlar bilan tasdiqlangan. Yallig'lanish jarayonlari fibroz va qopqoq to'qimalarining kalsifikatsiyasiga olib kelishi mumkin, bu esa qopqoqning torayishiga olib keladi. Ko'pgina tadqiqotlar shuni ko'rsatadiki, SAS bilan og'rigan bemorlarda immunitet tizimi faolligi, yallig'lanish o'choqlari va hujayralar migratsiyasi o'zgargan. Ushbu yallig'lanish jarayonlari tana tuzilishining o'zgarishiga va uning funktsiyasining pasayishiga olib keladi.