PSIXOLOGIK TADQIQOTLAR DOIRASIDA OʻSMIRLIK DAVRINING OʻZIGA XOS XUSUSIYATLARI

Abstract

Ushbu maqolada oʻsmirlik davrining oʻziga xos xususiyatlari hamda o’smirlik davri psixologiyasida ijodiy qobiliyat muammolari turli psixolog olimlarimiz tomonidan nazariy yondashuvlar asosida tushuntirib berilgan. Jamiyatdagi ijtimoiy-iqtisodiy dinamika paydo bo'lgan muammolarni muvaffaqiyatli hal qila oladigan va o'z xatti-harakatlarini optimal tarzda o'zgartira oladigan ijodiy shaxsga bo'lgan talabni belgilaydi. Ta'lim jarayonini insonparvarlashtirish bilan bog'liq bo'lgan zamonaviy ta'lim tizimining yangilanishi har bir bolaning ijodiy qobiliyatlarini rivojlantirish, o'smirlarni ta'lim faoliyatining faol subyekti sifatida shakllantirish uchun psixologik shart-sharoitlarni yaratishni taqozo etadi. Maqolada oʻsmirlik davrining oʻziga xos xususiyatlari psixologik tadqiqot natijalari asosida tahlil qilindi.