РАДИОЖУРНАЛИСТИКА – ФАН СИФАТИДА: НАЗАРИЯ ВА АМАЛИЁТ

Abstract

Дунё миқёсида кузатадиган бўлсак, оммавий ахборот воситаларининг бир тури бўлган радио бугун ҳар томонлама янгиланиш жараёнларини ўзида ифодалаб келмоқда. Хусусан, илгари радио фақат эшитиш воситаси ҳисобланган бўлса, бугун у ўзида матбуот, телевидение  ва интернетни ҳам мужассамлаштирди. Тингловчи радиода эшиттирилаётган хабарларни эшитиш билан бирга, телевидение орқали онлайн кузатиш, радионинг махсус сайти орқали хабарларни ҳам ўқиб бориш имконияти яратилди. Кўплаб мутахассислар оммавий ахборот воситаларига тасниф беришда замон нуқтаи назаридан радионинг аудиторияси камайиб ёки кўпайиб бораётгани ҳақида фикр-мулоҳазаларини билдириб ўтишади. Мақолада бугунги давр радиожурналистика(аудиовизуал журналистика)сида кечаётган жараёнлар, янгиликлар, муаммолар илмий жиҳатдан ўрганиб чиқилган ҳолда, соҳа бўйича илмий изланишлар олиб борган муаллифларнинг фикр-мулоҳазалари солиштирилади ва истиқболдаги вазифалар, таклифлар билдирилади