EVRISTIK YONDASHUV ASOSIDA INTERFAOL METODLARNI QO‘LLASH SAMARADORLIGI

Аннотация

Ushbu maqolada evristik yondashuv asosida interfaol metodlarni qo‘llashning pedagogik samaradorligi tahlil qilinadi. Tadqiqotning dolzarbligi zamonaviy ta’lim jarayonida o‘quvchilarning mustaqil fikrlashi, muammoli vaziyatlarni hal etish qobiliyati hamda ijodiy yondashuvini rivojlantirish zarurati bilan izohlanadi. Maqolada evristik ta’limning nazariy asoslari, uning o‘ziga xos xususiyatlari hamda interfaol metodlar bilan uyg‘unligi yoritilgan. Tadqiqot jarayonida kuzatish, taqqoslash, tahlil va umumlashtirish metodlaridan foydalanilgan. Interfaol metodlarning evristik yondashuv bilan integratsiyasi o‘quvchilarning dars jarayonidagi faolligini oshirishi, bilimlarni mustaqil egallashiga xizmat qilishi hamda o‘qitish samaradorligini sezilarli darajada yaxshilashi aniqlangan. Natijalar shuni ko‘rsatadiki, evristik yondashuv asosida interfaol metodlardan foydalanish ta’lim sifatini oshirish, o‘quvchilarda tanqidiy va kreativ fikrlash ko‘nikmalarini shakllantirishda muhim omil hisoblanadi.