YANGI O’ZBEKISTON SHAROITIDA STARTAP LOYIHALARNI MOLIYALASHTIRISHNING INNOVATSION MODELLARI VA ULARNING IQTISODIYOTGA TA’SIRI

Abstract

Yangi O’zbekiston iqtisodiyoti so’nggi yillarda izchil rivojlanish jarayonini boshdan kechirmoqda. Bu jarayonning ajralmas qismi sifatida startap loyihalarining rivojlanishi, innovatsiyalarni joriy etish va raqamli iqtisodiyotning kengayishi o‘rin olgan. Startaplar iqtisodiyotning turli sohalarida yangi texnologiyalar va biznes-modellarni joriy etish orqali raqobatbardoshlikni oshiradi, yangi ish o‘rinlarini yaratadi va investitsiyalarning jalb qilinishini ta’minlaydi. Shuning uchun startaplarni moliyalashtirish va ularga innovatsion yondashuvlarni joriy etish muhim ahamiyat kasb etadi. Shu bois, O‘zbekiston Respublikasi 2022 — 2026-yilgacha innovatsion rivojlanish strategiyasining yuqori texnologik va ilm-fanga asoslangan yangi va zamonaviy ishlab chiqarish quvvatlarini hamda yuqori ish haqiga ega ish o‘rinlarini yaratish orqali uzoq muddatli yo‘nalishlari hamda rivojlanish dasturlari belgilab berilmoqda.