BOBURIY SULTON AKBARSHOHNING HINDITONDAGI DINIY SIYOSATI

Abstrak

Maqolada Boburiylar sulolasining yirik vakili Jaloliddin Muhammad Akbarshoh (1542–1605) ning siyosiy, diniy va madaniy faoliyati tahlil qilinadi. Unda Akbarshohning Hindistonda kuchli markazlashgan davlat barpo etishdagi roli, adolatli boshqaruv tizimini joriy etishdagi islohotlari hamda diniy bag‘rikenglik siyosati yoritilgan. Shuningdek, uning “Din-i Ilahiy” nomli falsafiy-diniy g‘oyasi orqali jamiyatda tinchlik va totuvlikni mustahkamlashga qaratilgan harakatlari o‘rganiladi. Maqolada Akbarshoh davrida madaniyat, fan va me’morchilikning yuksalishiga alohida e’tibor qaratilgan bo‘lib, uning siyosiy donoligi va tarixiy merosi bugungi kungacha o‘z ahamiyatini yo‘qotmaganligi ta’kidlanadi.