HUQUQIY DAVLAT BARPO ETISHDA INSON HUQUQLARI VA ERKINLIKLARINING USTUVORLIGI

Abstrak

Ushbu maqolada huquqiy davlatni shakllantirish jarayonida inson huquqlari va erkinliklarining ustuvor o‘rni ilmiy-nazariy asosda tahlil qilinadi. Tadqiqotda inson huquqlari tushunchasining shakllanish bosqichlari, xalqaro huquq me’yorlari va ularning O‘zbekiston milliy qonunchiligi bilan uyg‘unlashuvi yoritilgan. Xususan, 2023-yilda qabul qilingan yangi tahrirdagi O‘zbekiston Respublikasi Konstitutsiyasida inson huquqlarining ustuvorligi, erkinliklarning daxlsizligi va qonun ustuvorligi tamoyillarining amaliy ahamiyati o‘rganilgan. Maqolada huquqiy davlat konsepsiyasining asosiy unsurlari — adolat, qonun ustuvorligi, fuqarolarning teng huquqliligi va davlat organlari faoliyatining shaffofligi – zamonaviy demokratik jamiyat qurishning muhim sharti sifatida talqin etilgan. Shuningdek, inson huquqlarini ta’minlashda sud-huquq tizimi, ombudsman instituti va fuqarolik jamiyati institutlarining o‘rni tahlil qilinadi.