OILAVIY AJRIMLARNING KUN SAYIN OMMALASHISHIGA NIMA SABAB BO‘LMOQDA?

Abstrak:

Jamiyatimizda oila muqaddasligi, uning davlat himoyasida ekanligi Konstitutsiyamizda belgilab qo‘yilishi boshqa davlatlar huquqiy tizimida ko‘rilmagani bilan birga uning qadr-qimmatini yanada yuqori pog‘onaga ko‘tarilganini ham anglatadi. Yurtimizda oila qurish azaliy an’ana bo‘lib, taraflarning ixtiyoriy roziligi, o‘zaro tengligi asosida qurilgan nikohlar davlat tomonidan ham qo‘llab-quvvatlanadi, rivojlanishi uchun sharoit yaratiladi. Shuningdek, oilaning muqaddasligi, oila ham bir ne’mat ekanligi har kimga yoshligidan singdiriladi. Ammo shunga qaramay, turli xohish-istaklarga bo‘ysunish, o‘zaro tushunmovchilik, uchinchi tomonning aralashuvi tufayli ko‘plab oilalar ajrim yoqasiga kelib qolmoqda.