AN’ANAVIY XONANDALIK VA MAQOMLARDA IJROCHILIK USLUBLARINING EVOLYUTSIYASI VA ULARNING BADIIY AHAMIYATI

Аннотация:

Ushbu maqolada o‘zbek an’anaviy va maqom xonandaligida ijrochilik uslublarining tarixiy-evolyutsion rivoji, shakllanish omillari va ularning badiiy-estetik ahamiyati ilmiy jihatdan tahlil qilinadi.  An’anaviy ijrochilik uslublari asosan xalq og‘zaki ijodi, maqom san’ati, marosim musiqasi va ustoz–shogird an’anasi orqali shakllanganligi ko‘rsatildi. Shu bilan birga, xonandalarning vokal imkoniyatlarini rivojlantirish, ohangni bezash, badiiy ifodaning chuqurligini oshirish kabi ijrochilik jihatlari ham batafsil yoritiladi. Maqolada ijrochilik uslublarining shakllanish jarayonida tarixiy, madaniy va pedagogik omillar o‘rganildi. Ijrochilik uslublari nafaqat musiqa asarining mazmunini chuqurroq yetkazishga xizmat qiladi, balki tinglovchida estetik zavq uyg‘otish va milliy ruhni yetkazishda muhim vosita hisoblanadi. An’anaviy xonandalik ijrochilik uslublarini ilmiy asosda o‘rganish va ularni zamonaviy pedagogik texnologiyalar bilan uyg‘unlashtirib ta’lim jarayoniga tatbiq etish zarurligini asoslaydi. Shu yo‘l bilan milliy musiqiy madaniyatni saqlash va rivojlantirish, shuningdek, kelajak avlod xonandalarining ijodiy salohiyatini oshirish imkoniyati yaratiladi.