PROFILAKTIKA INSPEKTORINING MAʼMURIY JAZOLARNI IJRO ETISHDA BOSHQA DAVLAT ORGANLARI BILAN OʻZARO HAMKORLIGINI TAKOMILLASHTIRISH

Аннотация:

Ushbu maqolada profilaktika inspektorlarining ma’muriy jazolarni ijro etish jarayonida turli davlat organlari bilan o‘zaro hamkorligini takomillashtirish masalalari keng qamrovli ilmiy tahlil qilinadi. Mamlakatda olib borilayotgan huquqiy islohotlar jarayonida profilaktika inspektorlari zimmasiga yuklangan mas’uliyat va ularning jazo ijrosidagi koordinatsion faoliyati tobora ortib borayotgan sharoitda idoralararo hamkorlikning institutsional asoslari yetarlicha takomillashmaganligi aniqlanadi. Maqola davomida jazo ijrosida mahalla tizimi, sud, prokuratura, ijro byurolari, davlat xizmatlari agentligi, ta’lim va tibbiyot muassasalari o‘rtasidagi hamkorlikning amaldagi holati, mavjud bo‘shliqlar, raqamlashtirish jarayonining kamchiliklari hamda bu yo‘nalishni samarali rivojlantirish uchun takliflar keltiriladi. Tadqiqot natijalari idoralararo axborot almashinuvi sifatini oshirish, elektron integratsiya jarayonlarini kuchaytirish va profilaktika inspektorlarining ma’muriy nazorat salohiyatini mustahkamlashga doir ilmiy-amaliy tavsiyalarni o‘z ichiga oladi.