БОЛАЛАРДА ВИРУСЛИ ИЧАК ИНФЕКЦИЯЛАРИНИНГ ИММУНОЛОГИК ХУСУСИЯТЛАРИ

Annotatsiya

Вирусли ичак инфекциялари (ВИИ) соғлиқни сақлаш тизимининг  долзарб муаммоси бўлиб,  бутун дунёда катта иқтисодий зарар келтирмоқда (ЖССТ,2021). Болалар орасида ВИИ касаллиги катталарга қараганда анча юқори бўлиб, энг кўп рўйҳатга олинган ҳолатлар   7 ёшгача бўлган болаларда учрайди. Болаларда ВИИ ни келтириб чиқарадиган патогенлар орасида барча ҳолатларнинг камида ярми ротавирус инфекцияси (РВИ) ва тўртдан бир қисми норовирус туфайли юзага келади. Ротавирус ва норовирус (РНВИ) билан биргаликдаги микст инфекцияси улуши хам сезиларли бўлиб, болаларда ўткир ичак инфекциялари тасдиқланган ҳолатларининг камида 3-8% ни ташкил қилади. Бироқ, ротавирус келтириб чиқарадиган ичак инфекциялари эпидемиологияси, клиник кечиши ва даволашга бағишланган кўплаб нашрларга қарамай, ВИИ га қарши иммунитет реакциясининг хусусиятлари етарлича ўрганилмаган.