OLIY TA’LIM MUASSASALARI MOLIYAVIY RESURSLARINING IJTIMOIY-IQTISODIY MAZMUNI

Abstrak

Globallashuv jarayonlari va bilimga asoslangan iqtisodiyotning shakllanishi sharoitida oliy ta’lim muassasalari ijtimoiy-iqtisodiy tizimning markaziy bo‘g’iniga aylanib bormoqda. Ushbu muassasalar endi faqatgina mutaxassislar tayyorlash funksiyasini emas, balki ilmiy innovatsiyalarni yaratish, intellektual kapitalning to‘planishi va jamiyatning uzluksiz rivojlanishini ta’minlashning strategik platformasiga ham xizmat qilmoqda. Mazkur kontekstda oliy ta’lim muassasalarining moliyaviy resurslari masalasi alohida nazariy va amaliy ahamiyat kasb etadi.